بـسيادي لقطـاب نبـدا ذو لشعـــــــــــــار

قـادة لـمسـلم لجـــــــــميع الأوليــــــــــة

عـبد الكريم الحاج مـن حقك تنـــــــــزار

في حـرمـك سـعيدة مـبنـيــــــــــــــــــــة

احـمد الـزقاي بـاين مثـل فنــــــــــــــــار

مـعمر و عـيسى فرسان المشلـــــــــــية

بـرضاكم لـسعيدة عـليتو لســـــــــــــوار

أجـار الـمضمان بيكم محمــــــــــــــــــية

محمـد سـيدنـا وصـانا لـجـــــــــــــــــــار

نـكرمـو الضيف نعطو الهديــــــــــــــــة

سعيـدة عـز الغريب مركـح لزيـــــــــــار

بـاب الـصحـراء محمـج التليـــــــــــــــة

امـدينة العـقبان كـتبوهـا لسطــــــــــــار

مـلجـأ للـفـارس ضد الذميـــــــــــــــــــة

كـيفان مـرصدة مـن بني القهـــــــــــار

زيـنـة المنظـر سـواقي مجريــــــــــــــة

ضـيافة الأمـير مـنبع لـلثـــــــــــــــــوار

اتسـقم سـعدها سعدنت سعديـــــــــــــــة

فـيها كـل عراش ســاداتي لــحـــــــرار

انسـمي ابطالها غاب الاسم علـــــــــــي

احمد مدغري مجاهد ولد الثـــــــــــوار

صورته على لصوار ما خفات علــــــي

زور سـعيـدة تـدي كـل اخبـــــــــــــــار

علماء كل علوم فرسنة و رجوليــــــــة

شـعراء و شيـوخ يـنظمو لشعـــــــــار

مهيـدي و بلحرش ما حضرو ليــــــــا 

حـوست اعـراشها مــــــــــدن و دوار

يـرحبو بـالضيف صبحة و عشيـــــــــة

اوعـادي و عراس و ضيفة كل انـهار

فرسـنة خـيالة و عـلوف قويــــــــــــــة

احـنا اللـي نوكدو يوم الضد نقـــــــار

و من حقـي نبكي الكبدة مشويـــــــــــة

نتـفكر في رجـال خـلافين الثــــــــــار

قـهوة و لـد العـوفي تفـكر فــــــــــــيا

الطحطاحة كانت لولاد اخيام اكبـــــار

لي عاش ابـطالها يـعيد عـــــــــــلي

ياحـسراه عـلى سنين عشناهم خيـــار

يا صـاحبي نـوصـيك ادير مزيــــــــــة

تـفكـر اولادنـا كـي كانو كبــــــــــــــار

فـكرهم بـجدودهم عيد القصيــــــــــة

الـرجوع للأصـال يـزيدلهم تفخـــــــار

يـقرو الحضـارة يـزيدو الباديـــــــــة

خـطينا الـطريق طـحنا مع لوعــــــــار

ما عـبينـاش طـحنا فـالهويـــــــــــــة

 العـادة عـادتنـا نقـروها لصغــــــــــــار

و هـذا المرض خلوه أولاد الذمـــــية

اقـرا التـاريخ مـازال الآثــــــــــــــــــار

حـيطـان فـرنسا مازالت مــــــــــبنيـة

ثمنتـاعش مـاي ثـارو شبان صغـــــار

خـمسة و ربعين ألف و تسع ميـــــة

قـالو ذي بـلادنـا مـا يبقوا كفـــــــــــار

محـته ذاك النـهار ألــــــــوف قويــة

ما صرا بالقبـطـان نـقطعتله لخبــــــار

و اعـطاوه صــــــفعة اولاد العربيــة

رومـيـات تـنوح كي ثقبت النــــــــــار

و اصاراللي صار في ملاك الرجعية

هـذه البـداية و مـازال المشــــــــــوار

ما نبـيعو بـلادنـا ما نـــــــــــدو دية

عـلى حـب الـوطن فنـات عمــــــــــــار

مـهما طـال الــــــــحال نوفو المنية

ربي وفـقـنـا و انـصـر الثـــــــــــــــوار

ارفـادنا عـلامـــــــــنا ادينـا الحرية

زور المتـحف يـعطيـلك لخبــــــــــــــار

و بـنفسك تـقـرا الـــــــــــــــوصيـة

جـابوها بـالـدم سـال لثــــــــــــــــــوار

مليون و نص شهيد هذي مـحصية

احـمدنا ربي الـفلـك عـليــــــــــــنا دار

هـاهي الجزاير اليوم عادت مـحمية

مـن غـير الـجزاير ما عدنا اخيـــــــار

نـوصي اولادها لا يــــــديرو دونية

قـادة عـلى مـدينتـه نظم لشعــــــــــار

الحاضـر يسمع و البعيد ندير بـرية

يـا الله تـرحم الـشهـداء لـبـــــــــــرار

بجاه الرسـول محمــــد سيد رقيـة

 الشاعر قادة قنذوز